APL keyingi mavsumdan 3ta o'yinchi almashtirish qoidasiga qaytadi

Angliya premer-ligasi klublari 2020/21 yilgi mavsumda VAR tizimi va o'yinchi almashtirishlar soni masalalarini muhokama qilishdi.

Yig'ilishda klublar 3ta o'yinchi almashtirish imkoniyatidan foydalanishni tanlashdi. Shu bilan birgalikda, qaydnomaga kiritilgan zaxiradagi futbolchilar soni 7tadan oshmasligi kerak.

Ko'p jamoalarning fikricha, restartdan keyin foydalanilgan 5ta o'yinchi almashtirish qoidasi top-klublarga manfaatli bo'lgan.

Shuningdek, majlisda barcha klublar VAR tizimidan foydalanishga ovoz berishdi.

Eslatib o'tamiz, Xalqaro futbol assotsiatsiyalari kengashi (IFAB) beshta o'yinchi almashtirish qoidasini keyingi mavsum oxiriga qadar uzaytirdi, ammo uni amalda qo'llashni ligalarning ixtiyoriga havola qildi.