Salomovning ketishi haqidagi xabar yolg'on bo'lib chiqdi

Bugun ijtimoiy tarmoqlar orqali "Shavkat Salomov" Buxoro"ga qaytmoqda" rukni ostida yangiliklar e'lon qilinmoqda.

"Surxon" futbol klubi ijtimoiy tarmoqlarda chiqarilayotgan norasmiy ma'lumotlarga ishonmasliklarini so'raydi.

Salomovning 2020 yil 30 noyabrga qadar klub bilan shartnomasi bor va ushbu shartnoma tugamangunga qadar klub futbolchini hech qaerga qo'yib yubormaydi!

Shu o'rinda, "Surxon" kechadan Toshkentda yig'ilib, o'z mashg'ulotlarini boshladi va ushbu mashg'ulotlarda Shavkat Salomov ham ishtirok etmoqda.

"Surxon" jamoasi to'g'risidagi rasmiy ma'lumotlar faqat klubning ijtimoiy tarmoqlardagi sahifalari orqali e'lon qilinadi.