O'runov «Spartak»da Shyurrlening raqamini oldi

«Spartak» klubi «Ufa» yarim himoyachisi Oston O'runovning transferini rasman e'lon qildi.

«Spartak» rasmiy saytidagi tanishtirish haqidagi e'londa o'zbekistonlik futbolchining yuqori tezligi va chiroyli driblinglarini e'tirof etdi.

O'runov «Spartak» safida 20-raqamli futbolkada o'ynaydigan bo'ldi. O'tgan mavsumda ushbu raqamda germaniyalik yarim himoyachi Andre Shyurrle o'ynagan edi.

«Xush kelibsan, Oston! «Spartak»da o'zingni ko'rsata olishingda senga omad tilaymiz!» — deyiladi "qizil-oqlar" rasmiy saytidagi xabarda.