Rasman. «Valensiya» futbolchisi «Manchester Siti»ga o'tdi

«Valensiya» yarim himoyachisi Ferran Torres rasman «Manchester Siti» a'zosiga aylandi. "Shaharliklar" 20 yoshli futbolchi bilan 2025 yilning yoziga qadar shartnoma imzolashdi.

Ma'lumotlarga qaraganda, ushbu transfer «Siti» uchun 25 mln evroga tushgan.

«Men «Siti» safiga qo'shilganimdan xursandman. Hamma futbolchilar hujumkor klublarda o'ynashni istashadi, «Manchester Siti» esa — jahondagi eng hujumkor jamoalardan biri. Pep ochiq va tajovuzkor futbol tarafdori. Bu esa menga yoqadi», — dedi Torres.

Ferran Torres 2019/20 yilgi mavsumda barcha musobaqalar doirasida 44ta o'yinda maydonga tushib, 6ta gol urdi va 8ta golga uzatma berdi.