UEFA evrokuboklarning 1/8 final bosqichidan keyin sariq kartochkalarni bekor qiladi

UEFA ijroqo'mi evrokuboklarning 2019/2020 yilgi mavsumida nimchorak finaldan keyin o'yinchilar hisobidagi sariq kartochkalarni bekor qilish haqida qaror qabul qildi.

«Chempionlar ligasi va Evropa ligasi 2019/2020 yilgi mavsumi formati o'zgarganidan keyin UEFA ijroqo'mi 17 iyun kuni chorak final va yarim final bosqichini bitta o'yindan iborat qilib belgiladi.

O'yinlardagi balansni tiklash maqsadida UEFA nimchorak final bosqichidan keyin avvalgi bosqichlarda olingan sariq kartochkalarni bekor qilishga qaror qildi. Ushbu mavsumda ogohlantirishlar chorak finaldan keyin emas, 1/8 finaldan keyin (ya'ni finalga 2ta o'yin qolganida) "kuyib" ketadi. Shu bois, EChL va Evropa ligasi reglamentlariga tegishli o'zgarishlar kiritildi. Endi ushbu band quyidagicha ko'rinishda bo'ladi:

«Istisno tariqasida saralash pley-off bosqichida olingan barcha sariq kartochkalar bekor qilinadi, ular guruh bosqichiga o'tmaydi. Bundan tashqari, nimchorak final bosqichidan keyin barcha sariq kartochkalar "kuyib" ketadi va ular chorak finalga o'tmaydi», — deyiladi UEFA rasmiy sayti orqali e'lon qilingan bayonotda.