Sardor Rashidov golli uzatma amalga oshirgan o'yinda «Qatar» g'alabani ushlab qololmadi (videosharh)

Futbol bo'yicha Qatar yulduzlar Ligasining 19-turida «Qatar SK» klubi 3 avgust, dushanba kuni «Umm-Salal»ni qabul qildi.

Uchrashuvning birinchi bo'limida hisob ochilmadi. Ikkinchi bo'lim debyutida Sardor Rashidovning uzatmasidan keyin Kayke maydon egalarini oldinga olib chiqdi.

72-daqiqada mehmonlar penalti ishlab oldi va uni Fahad Halfan muvaffaqiyatli bajarib, muvozanatni tikladi.

Shu tariqa «Qatar» klubining g'alabasiz seriyasi 9 o'yinga etdi. Jamoa 18 ochko bilan 9-o'rinda bormoqda.

Qatar yulduzlar Ligasi, 19-tur
3 avgust, dushanba
«Qatar» — «Umm-Salal» 1:1
Gollar: 1:0 – 52 Kayke, 1:1 – 72, penalti Halfan.
«Qatar»: Jasim Odil (Mutasim Majid, 15), Ar-Robiay, Baqsh, Galves, Ali Auad (Abdulaziz Odil, 67), Hamad Mansur (Xolid Abdurrouf, 89), Abdunasr al-Hayoti, Barrahma, Sardor Rashidov, Issa Ahmad, Kayke.
«Umm-Salal»: N`Diay, Kasola, Shipovich, Dakani, Azzi, Nossir Ibrohim, Meslub, Yaxyo, Muborak, al-Kaani, Beserra (Halfan, 61).
Ogohlantirishlar: Beserra (8), Baqsh (30), Barrahma (60), Galves (63).