Jeydon Sancho "MYu" bilan 5 yillik shartnoma imzolashga tayyor

Dortmundning "Borussiya" klubi yarim himoyachisi Jeydon Sancho "Manchester Yunayted" ga o'tishga yaqin turibdi.

The Guardian jurnalisti Fabritsio Romanoning so'zlariga ko'ra, klublar 20 yoshli yarimhimoyachining transferi bo'yicha muzokaralarning ilg'or bosqichida.

Ta'kidlanishicha, "Manchester Yunayted" transfer summasini bir necha qismga bo'lib to'lamoqchi. Hozircha klublar bu borada yakuniy kelishuvga erisha olishmadi, ammo muzokaralar davom etmoqda.

"MYu" Sancho bilan muzokaralarda hech qachon muammolarga duch kelmagan — uning shartnomasi allaqachon kelishilgandi. Futbolchi jamoa bilan 2025 yilga qadar amal qiladigan shartnoma imzolashga tayyor. Futbolchi klublar o'zaro kelishib oladimi yoki yo'qmi, shuni kutishi kerak xolos.

"Borussiya" avgustda Sanchoning kelajagi bilan bog'liq barcha masalalarni hal qilmoqchi, chunki u ketgach, o'rniga boshqa futbolchi olish kerak bo'ladi. "Lion" hujumchisi Memfis Depay varianti bor, ammo bu nemis klubi uchun yagona variant emas.

Sancho joriy mavsumda "Borussiya" safida Bundesliganing 32 o'yinida maydonga tushib, 17 ta gol urdi va 16 ta golli pas berdi.