O'runovning transfer huquqi Gazizovga tegishlimi?

«Spartak» bosh direktori Shamil Gazizov matbuotda tarqalgan «Ufa» yarim himoyachisi Oston O'runovning moskvaliklar safiga o'tishi mumkinligi haqidagi xabarlarga izoh berdi.

Nenobel telegram-kanali O'runovning transfer huquqi Gazizovga tegishli ekani haqida xabar tarqatdi. Manbada aytilishicha, Gazizov o'z cho'ntagidan 200 ming evro to'lab, O'runovni Toshkentning «Lokomotiv» klubidan sotib olgan.

«Bularning barchasi safsata. Matbuotda ko'p narsa yozilishi mumkin. Bu erda mening nima aloqam bor? O'runov «Ufa»ga tegishli. Uni sotishganidan keyin u boshqa jamoaga tegishli bo'ladi. Gazizovning nima aloqasi bor? Hozir menda ishlash uchun vaqt yo'q, faqat savollarga javob berishga ulguryapman. Nobel, nenobel… Nenobel — kim u?» — dedi Gazizov Sport24 muxbiri bilan suhbatda.