"MYu" Sanchoni "variant"ga olmoqchi

Bild nashrining tarqatgan ma'lumotiga ko'ra, Angliyaning "Manchester Yunayted" klubi Dortmundning "Borussiya" klubi hujumkor yarim himoyachisi Jeydon Sanchoning transferini 120 million evroga birdan sotib olishga qodir emas.

"Mankunianliklar" avvaliga 70 million evro, bir yildan keyin 30 million evro va qolgan 20 million evroni uchinchi yili to'lab berish niyatida.

Qayd etish kerakki, "Borussiya" rahbariyati "MYu"dan Sancho borasida kelasi haftagacha yakuniy qaror chiqarishlarini talab qilmoqchi. Aks holda Sancho borasida muzokara olib borilmaydi.