Kutib oling. «Barselona» safiga jarima zarbalari ustasi kelmoqda

Ispaniya chempionatining yangi mavsumidan boshlab "Barselona" safida Miralem Pyanich o'ynay boshlaydi.

Bosniyalik futbolchi "ko'k-anorranglilar" sardori Lionel Messi bilan birgalikda jarima zarbalari ustasi hisoblanadi. "Opta" tarqatgan xabarga ko'ra, Messi va Pyanich 2011/12 yilgi mavsumdan boshlab hisoblaganda Evropaning top-5 chempionatlarida jarima zarbasidan eng ko'p gol urgan futbolchilar hisoblanishadi.

Argentinalik futbolchi bu davrda milliy chempionat doirasida jarimadan 33ta gol urgan bo'lsa, Miralem hisobida 16ta gol mavjud.

Bu borada kuchli beshlikni Hoqon Cholhonno'g'li (14), Krishtianu Ronaldu (14), Andrea Pirlo (12) tashkil etishgan.