"Bavariya" sobiq hujumchisi 32 yoshida faoliyatini yakunladi

Germaniyalik taniqli hujumchi Sandro Vagner futbolchilik faoliyatini yakunladi.

Germaniyalik futbolchi bir hafta oldin Xitoyning "Tyantszin Tedi" klubini tark etgandi va butsalarini mixga ilganini rasman e'lon qildi.

Futbolchining so'zlariga ko'ra, unga bir qator klublardan takliflar tushgan, lekin u kuzda murabbiylikka o'qishni ma'qul ko'rdi.

Vagner "Bavariya", "Gerta" va "Xoffenxaym" klublarida o'ynagan. Germaniya terma jamoasiga 8 ta uchrashuvda maydonga tushib, 5 ta gol kiritdi. "Bundestim" bilan 2017 yili Konfederatsiya Kubogida g'olib chiqqan.