A seriya. Joriy mavsumda darvoza tomon eng ko'p zarba bergan futbolchi kim ekanini bilasizmi?

Italiya A seriyasining 2019/20 yilgi mavsumi yakuniga etdi. E'tiboringizga joriy mavsum statistikalarini taqdim etamiz.

Raqiblar darvozasi tomon berilgan zarbalar soni bo'yicha "Yuventus" hujumchisi Krishtianu Ronalduga teng keladigani topilmadi. Portugaliyalik futbolchi 138ta zarba yo'llagan bo'lsa, ularning 88tasi aniq bo'ldi (50tasi noaniq). Shundan 31tasi esa golga aylanganidan xabaringiz bor.

Bu borada ikkinchi o'rinni A seriya to'purari Chiro Immobile egalladi. Italiyalik futbolchi mavsum davomida raqiblar darvozasi tomon jami 119ta zarba yo'lladi (77ta — aniq, 42ta — noaniq).

Kuchli uchlikka "Roma" forvardi Edin Jeko kirdi – 93 zarba (57 – aniq, 36 – noaniq).