Gol+uzatma bo'yicha «Paxtakor» futbolchilarining ushbu mavsumdagi natijalari

2020 yil hozircha eng ko'p golni Dragan Cheran urgan bo'lsa, eng ko'p golli uzatma Jaloliddin Masharipov hisobiga yozilgan.

Ayni paytga qadar «Paxtakor» Chempionlar Ligasida 2, Superligada 9 uchrashuv o'tkazib ulgurdi. Bu o'yinlarda raqib darvozalari 29 bor ishg'ol qilinib, darvozamizdan 7 to'p olib chiqildi. 7 nafar futbolchi urilgan gollarga mualliflik qilgan.

Eng ko'p gol Dragan Cheranga tegishli bo'lib, u 9 to'p kiritgan. Superligada 8 marta, Chempionlar Ligasida bir gol muallifiga aylangan. Igor Sergeev hisobida 6, Eren Derdiyokda esa 5 gol mavjud. Shuningdek, Doston Hamdamov 3, Jaloliddin Masharipov va Sardor Sobirxo'jaev 2tadan to'pni o'z hisobiga yozib qo'ygan. Sherzod A'zamov esa bir gol urgan.

Gollar

9 - Cheran
6 - Sergeev
5 - Derdiyok
3 - Hamdamov
2 - Masharipov, Sobirxo'jaev
1 - A'zamov

Eng ko'p golli uzatmani Masharipov amalga oshirmoqda. U hozirgacha Superligada 5, OChLda esa 2 marta sheriklariga gol urish uchun ko'maklashdi. Doston Hamdamov esa 4 bor shunday ishni uddalagan. Farruh Sayfievda esa uchta uzatma mavjud. Shuningdek, yana uchtadan futbolchi ikki va bir martadan golli uzatma muallifi bo'lgan.

Golli uzatmalar

7 – Masharipov
4 – Hamdamov
3 – Sayfiev
2 – Cheran, Sobirxo'jaev, Hamrobekov
1 – Anzur Ismoilov, Derdiyok, Alijonov.