«Chelsi» Kepa o'rniga yana bir nomzod topdi

Londonning "Chelsi" klubi "Lill" darvozaboni Mayk Menyan bilan shartnoma imzolamoqchi. Bu haqda Britaniya matbuoti yozmoqda. 

Manbaning xabariga ko'ra, "ko'klar" Maykni Kepa o'rniga munosib o'rinbosar sifatida ko'rishmoqda. 

Transfermarkt portali 25 yoshli posbonni 17,5 million evroga baholamoqda. Menyan Frantsiya chempionatida 28ta o'yinda maydonga tushib, 27ta gol o'tkazib yuborgan va 12ta o'yinda o'z darvozasi dahlsizligini saqlab qolgan.