PSJ – Frantsiyada tengsiz

PSJ Frantsiya Liga Kubogi finalida «Lion»ni taslim etdi (0:0, penaltilar seriyasi — 6:5).

Shu tariqa parijliklar klubi 2019/20 yilgi mavsum Frantsiyadagi barcha sovrinlarni yutib oldi. PSJ bundan avval Frantsiya chempionatida g'olib chiqqan, shuningdek, mamlakat Kubogi va Superkubogida zafar quchgandi.

Bunaqasi so'nggi olti mavsum ichida to'rtinchi bor sodir bo'ldi.

PSJ 2018/19 yilgi mavsumda Frantsiya chempionligi va Superkubogini qo'lga kiritgan, Kubok finalida «Renn»ga imkoniyatni boy bergan va Liga Kubogida ¼ finalda qolib ketgandi. 2016/17 yilgi mavsumda esa Liga 1 musobaqa jadvalida «Monako»ni oldinga qo'yib yuborib, chempionlikni boy bergandi.