Evropaning eng kuchli klublari reytingi e'lon qilindi. «Bavariya» etakchi, «Real» top-3 da ham yo'q

Gracenote agentligi tomonidan tuzilgan Evropaning eng yaxshi klublari reytingi (Euro Club Index) e'lon qilindi.

Unga ko'ra, Myunxenning «Bavariya» jamoasi ro'yxatda etakchilik qilmoqda. Undan keyingi o'rinlarda «Liverpul» va «Barselona» bormoqda.

Kuchli yigirmatalikdan Angliyaning oltita klubi o'rin oldi. Ispaniya, Germaniya va Italiyadan esa to'rttadan jamoa top-20 ga kirgan. Shuningdek, Frantsiya va Ukrainadan bittadan jamoa ham Evropaning eng yaxshi 20 jamoasi qatorida turibdi.

Mazkur reyting jamoalarning so'nggi to'rt mavsumdagi milliy chempionat, kubok bahslari va Evrokuboklardagi natijalariga asoslanib tuziladi. Shu bilan birga so'nggi mavsumdagi natijalar eng katta ahamiyatga ega bo'ladi.

Euro Club Index reytingi bo'yicha top-10 jamoa bilan tanishing:

1. «Bavariya» — 4233
2. «Liverpul» — 4145
3. «Barselona» — 4119
4. «Manchester Siti» — 4078
5. «Real Madrid» — 3895
6. PSJ — 3890
7. «Atletiko Madrid» — 3752
8. «Yuventus» — 3672
9. «Chelsi» — 3538
10.«Manchester Yunayted» — 3536

Manba: daryo.uz