«Arsenal» «Manchester Yunayted» qiziqayotgan futbolchi uchun kurashga qo'shildi

Londonning "Arsenal" klubi "Aston Villa" yarim himoyachisi Jek Grilish uchun kurashga qo'shildi. Bu haqda Sky Sports nashri yozmoqda.

Manbaning xabariga ko'ra, "kanonirlar" futbolchi uchun 50-60 million evro to'lashga tayyor. Ammo "Villa" Grilish transferidan kamida 80 million funt ishlab olmoqchi.

Eslatib o'tamiz, Jek uchun kurashda "Manchester Yunayted" klubi asosiy da'vogar bo'lib turibdi. Grilishning jamoasi bilan shartnomasi 2023 yilgacha mo'ljallangan.