Masharipovga qiziqqan klub Turkiya kubogini qo'lga kiritdi

«Trabzonspor» Turkiya kubogi sovrinini qo'lga kiritdi. Jamoa finalda «Alanyaspor» bilan to'qnash kelib, 2:0 hisobida g'alaba qozondi.

Uchrashuvning 25-daqiqasida Abdulqodir Umur hisobni ochdi. Ikkinchi bo'limga qo'shib berilgan 6-daqiqada «Alanyaspor» futbolchisi hisobni tenglashtirishga muvaffaq bo'ldi, biroq gol ofsayd tufayli inobatga olinmadi. Qo'shib berilgan 10-daqiqada «Trabzonspor» hujumchisi Aleksandr Sorlot yakuniy hisobni o'rnatdi.

«Trabzonspor» o'z tarixida 9-marta Turkiya kubogini qo'lga kiritdi va bu ko'rsatkich bo'yicha «Beshiktosh»ga etib oldi. Bu borada rekordchi — «Galatasaroy» (18 marta).

Manba: sport24.ru