FIFA O'zbekiston futbol assotsiatsiyasiga 1,5 million dollar pul beradi

FIFA Ijroqo'm byurosi milliy futbol assotsiatsiyalarga moliyaviy yordam berish haqidagi qarorni tasdiqladi. Barcha 211ta federatsiyaga 1,5 million dollar ajratiladigan bo'ldi.

Shundan bir million dollar erkaklar, yoshlar va o'smirlar futboli uchun berilsa, 500 ming dollar faqat ayollar futbol rivoji uchun taqdim etiladi.

Shuningdek, FIFA milliy assotsiatsiyalarga foizsiz kredit berishi mumkinligini ham ma'lum qildi.