Habib Nurmagomedov va Jastin Getji o'rtasidagi jang sanasi ma'lum qilindi
/ Kiritdi: BestMaster Ko'rilgan: 287
Engil vazn toifasida UFC chempioni Habib Nurmagomedov va vaqtinchalik chempion Jastin Getji o'rtasidagi jang 24 oktyabr kuni bo'lib o'tadi. Bu haqda promoushen matbuot xizmati ma'lum qildi.
Habib va Getji o'rtasidagi jang UFC 254 musobaqasining asosiy voqeasi bo'ladi.
Rasmiy posterda jang qaerda bo'lib o'tishi ko'rsatilmagan. Avvalroq UFC 254 Abu-Dabidagi «Jangchilar oroli»da o'tkazilishi xabar qilingandi.
Mazkur jang avvaliga 19 sentyabr kungi UFC 253 musobaqasida bo'lib o'tishi rejalashtirilgandi. Biroq rossiyalik yakkakurashchining otasi Abdulmanap Nurmagomedovning o'limi sabab bellashuv qoldirilgandi.
Jastin UFC 249 musobaqasida Toni Fergyusonni taslim etib, engil divizionning vaqtinchalik chempioniga aylangandi.
Bosh sahifaga
348