Ikardi: «Neymar hamma tasavvur qilganidek yomon inson emas»

"PSJ" hujumchisi Mauro Ikardi jamoadoshlari Neymar va Kilian Mbappe haqida o'z fikrini bildirib o'tdi.

"Aslida Neymar hamma tasavvur qilganidek yomon inson emas. Uning qandayligini biz yaxshi bilamiz. Insonni yaxshi bilib olganingdan keyin u bilan yaxshi munosabat o'rnatishing mumkin. Neymar esa OAVda yozilganidan butunlay boshqacha odam. U hamisha quvnoq va atrofdagilar bilan munosabatni yaxshi qiladi. Inson samimiy bo'lishi muhim ahamiyatga ega. Chunki, biz katta oilamiz. Neymardagi yaxshi kayfiyat bizga o'zimizni yaxshi his qilishga yordam beradi.

Neymar haqida aytgan barcha gaplarim Mbappega ham tegishli. U hali yosh, lekin ulkan natijalarga erishdi. Yoshiga nisbatan ancha ulg'aygan. Uning xulqi ham jamoadagilarning kayfiyatiga ijobiy ta'sir ko'rsatadi", — dedi Ikardi "France Football" nashriga bergan intervyusida.