Mourino «Tottenxem» rahbariyatidan besh nafar futbolchi sotib olishni talab qilmoqda

Evening Standard portalining tarqatgan ma'lumotiga qaraganda, transfer oynasi vaqtida «shporlar»ga qiyin bo'ladi.

Chunki, jamoa EChLsiz qolgani uchun etarlicha mablag'ga ega emas. Shu sababli, klub Mourino talab qilayotgan futbolchilarni sotib olish uchun o'zining bir qator o'yinchilarini sotishiga to'g'ri keladi.

Portugaliyalik mutaxassis «Sautgempton» yarim himoyachisi Per-Emil Xyoyberg, «Atalanta» himoyachisi Timoti Kastanya va «Bornmut» klubining ikki nafar futbolchilari - Kallum Uilson hamda Devid Brukslarni o'z jamoasiga olib kelish niyatida.

Beshinchi futbolchi Janubiy Koreya terma jamoasi himoyachi Goa Kim bo'lishi mumkin.