«Chelsi» futbolchisi APLning boshqa klubiga o'tishdan bosh tortdi

Londonning «Chelsi» klubi hujumchisi Mishi Batshuayi jamoasini o'zgartirishni xohlamoqda. Lekin, ayni paytda Mishi tushayotgan takliflarning barchasiga rad javob bermoqda.

Angliya matbuotining tarqatgan ma'lumotiga qaraganda, belgiyalik futbolchi Londonning «Vest Xem» klubiga, shuningdek, Belgiya chempionatining etakchi klubidan tushgan taklifni rad etdi. Batshuayining fikricha, unga «yog'li» taklif kerak ekan.

Mishi to'rt mavsum «Chelsi» safida atigi 77 ta uchrashuvda maydonga tushdi va 25 ta gol kiritdi. Aksariyat hollarda Batshuayi yo zahirada qolib ketdi yoki ijaraga berib yuborildi.