«Bavariya» Kavanini qo'lga kiritishi mumkin

«Bavariya» klubi hujumchi Edinson Kavaniga shartnoma taklif qilishi mumkin. Bu haqda Le10Sport xabar tarqatdi.

Manbaga ko'ra, myunxenliklar 33 yoshli futbolchiga Robert Levandovskiga o'rinbosar sifatida qarashmoqda. Bundan tashqari, urugvaylik futbolchi hujum chizig'ida raqobatni yuzaga keltirishi mumkin.

Avvalroq Kavanining xizmatiga «Benfika», «Roma» va «Lids» klublari qiziqish bildirayotgani haqida xabarlar tarqalgan edi.

Kavanining "PSJ" bilan shartnomasi yakuniga etgani bois, hozirda u erkin agent maqomida. 2019/20 yilgi mavsumda futbolchi barcha musobaqalar doirasida 22ta o'yinda maydonga tushib, 7ta gol urdi va 3ta golga uzatma berdi.