Solovev: «O'runov — o'zbekistonlik Xalk»

«Navbahor» yarim himoyachisi Ivan Solovyov «Ufa» futbolchisi Oston O'runovning  «Spartak» klubiga o'tishi mumkinligi haqidagi xabarlarga o'z munosabatini bildirdi. Avvalroq O'runov Namanganda Solovyov bilan birga to'p tepgan.

«Men O'runov bilan yarim yil birga o'ynadim. Oston — o'zbekistonlik Xalk. Uning mushaklari massasi taxminan Xalknikidek. U — iqtidorli futbolchi. Agar «Spartak»da uni pas o'ynashga o'rgatishsa, u top o'yinchiga aylanadi.

O'runov Zobninga nisbatan boshqacharoq pozitsiyada o'ynaydi. Oston — tezlik va driblingga ega bo'lgan yaxshi o'yinchi. Eng asosiysi, unga pas orqali o'ynashni o'rgatish kerak. Agar u jamoa uchun o'ynashni o'rgansa va jamoaga moslashsa — Oston RPLning yangi mavsumida kashfiyotga aylanadi. Uning zarbasi ham juda yaxshi. U Xalk darajasidagi o'yinchiga aylanadi, sizga kafolat beraman. Ikkinchi Xalk, faqat o'zbekistonlik. Birinchi turda uning jarima maydoni tashqarisidan urgan golini eslayman. O'runov — haqiqiy mashina.

Oston rus tilini biladimi? Biz o'zbek tilida qanday qiynalib gapirsak, u ham shunday so'zlaydi. O'runov rus tilini tushunadi, lekin javob bera olmaydi. Ammo Ostonga bu xalal bermaydi. U yaxshi yigit. Shunchaki rus tilidagi hamma so'zni bilmaydi. Lekin unga gapirilayotgan fikrlarni to'liq tushunadi.

Hechqisi yo'q, «Spartak»da unga tilni tezda o'rgatishadi. Hammasi joyida bo'ladi. Oston — haqiqiy professional va e'tiqodli inson. Umid qilaman, u «Spartak»da muvaffaqiyatga erishadi", — dedi Solovyov.