Kanchelskis: «O'runovni to'g'ri yo'nalishda rivojlantirilsa, kuchli o'yinchiga aylanadi»

«Navbahor» bosh murabbiyi Andrey Kanchelskis «Ufa» futbolchisi Oston O'runovning  «Spartak» klubiga o'tishi mumkinligi haqidagi xabarlarga o'z munosabatini bildirdi.

«O'runovning «Spartak» safiga o'tishi to'g'ri qarormi? Agar rahbariyat va murabbiylar shtabi uni jamoada ko'rishni istashsa, to'g'ri qaror bo'ladi. Men O'runov bilan ishlaganman, u mening qo'l ostimda o'ynagan. Uning ko'rsatkichlari ajoyib. Uni to'g'ri yo'nalishda rivojlantirilsa, kuchli o'yinchiga aylanishi mumkin.

Uning jismoniy ko'rsatkichlari yaxshi, texnikasi zo'r, tezligi bor, yakkama-yakka vaziyatda aldab o'tib keta oladi. Bu juda yaxshi transfer bo'lishi mumkin. Bundan tashqari, ko'p narsa u muxlislarning bosimiga qanday dosh berishiga va «Spartak» undan qanday foydalanishiga bog'liq. Bu talablar, bu ishqibozlar, bu Rossiyaning birinchi raqamli jamoa — bu «Ufa» emas. Ruhiy tomondan dosh bera oladimi yoki yo'qmi — bu boshqa masala.

Uzatma berishda muammo bormi? Demak, o'rgatish kerak. Ammo uni uzatma berish qobiliyatini yomon deb aytmagan bo'lardim. Nima «Spartak»ka kelganlarning barchasida uzatma berish qobiliyati zo'r bo'lganmi? Tedesko boshchiligidagi murabbiylar shtabi uning o'yinini ko'rgan va Ostondan qanday foydalanish mumkinligini tushunib turibdi. Hamma narsa uni jamoada qanday qabul qilishlariga va u katta jamoadagi ruhiy bosimni engib o'tishiga bog'liq», — dedi Kanchelskis.

Manba: sport24.ru