Top-5 chempionatlari orasida eng ko'p va eng kam gol urilgan Ligalar aniq bo'ldi

2019/2020 yilgi mavsum yakunlari bo'yicha Bundesliga Evropaning kuchli besh chempionatlari orasida eng ko'p gol urilgan chempionat bo'ldi.

Germaniya chempionatining yakunlangan mavsumida jami 982ta gol urildi va bitta o'yinga o'rtacha 3,21ta gol to'g'ri keldi. Bu borada ikkinchi o'rinni Italiya A seriyasi egalladi — 1088 gol (o'rtacha — 3,02). Italiya chempionati yakunlanishiga yana 2ta tur o'yinlari qolganini ta'kidlash lozim.

Bu borada keyingi o'rinlarni APL (1034 gol, o'rtacha — 2,72), Frantsiya Liga 1 (2,53) va Ispaniya La Ligasi (942 gol, o'rtacha — 2,48).

So'nggi 3ta mavsum inobatga olinsa, bitta o'yinda urilgan gollar soni bo'yicha natijalar quyidagicha ko'rinishda bo'ladi:

A seriya — 2,75 gol
APL — 2,74
Bundesliga — 2,7
Liga 1 — 2,61
La Liga — 2,46