Bahraynliklar "Parij" klubi aktsiyalarini sotib oldi

«Explore Bahrain» fondi «Parij» klubining 20 foiz aktsiyalarini sotib oldi.

Bu haqda klub matbuot xizmati xabar tarqatmoqda. 77 foiz aktsiya esa klub prezidenti Per Ferrachchiga tegishli.

«Parij» klubining yangi loyihasi, rivojlanishi va ambitsiyalarini qo'llab-quvvatlash maqsadida yangi strategik hamkor kirib kelmoqda», — deyiladi klub bayonotida.

«Explore Bahrain» fondi egalari "Parij" klubini yaqin uch yil ichida Liga 1ga yo'llanma olishlari uchun bor imkoniyatlarini ishga solishmoqchi. 2019/2020 yilgi mavsum koronavirus pandemiyasi sababli muddatdan oldin yakuniga etgan edi. Liga 2 da «Parij» klubi joriy mavsum 17-o'rinni egalladi.