«Yuventus» Dibalaning jarohati haqida ma'lumot berdi

«Yuventus» klubi hujumchi Paulo Dibalaning jarohati haqida batafsil ma'lumot berdi. Argentinalik futbolchi A seriyaning 36-turi doirasida bo'lib o'tgan «Sampdoriya»ga qarshi uchrashuvning birinchi bo'limida jarohat olib, maydonni tark etgan edi.

"Keksa sinora" rasmiy sayti tarqatgan xabarga ko'ra, 26 yoshli futbolchining chap oyog'ining mushagi lat egan.

«Yuventus» Dibalaning tiklanishi uchun qancha vaqt ketishi haqida ma'lumot bermagan. Ma'lumotlarga qaraganda, u 10 kun davomida maydonga tusha olmaydi.

«Yuventus» 7 avgust kuni Chempionlar ligasining nimchorak final bosqichi doirasida «Lion»ga javob uchrashuvini o'tkazadi. Mazkur o'yinda Dibalaning maydonga tushishi so'roq ostida qolmoqda. Birinchi bahsda turinliklar 0:1 hisobida mag'lub bo'lishgan edi.