Kataloniyada eng ko'p qo'yilayotgan ismlardan biri — Leo

Kataloniya statistika instituti mamlakatda yangi tug'ilgan chaqaloqlarga eng ko'p qo'yilayotgan ismni oshkor qildi.

Kataloniyada 2019 yilda tug'ilgan 500 nafar o'g'il bolaga Leo ismi qo'yilgan. Albatta, bu «Barselona» sardori Lionel Messi bilan bog'liq. Bu esa yangi tug'ilgan o'g'il bolalarning 8,22 foizini tashkil qiladi.

Ushbu raqam yildan yilga oshib bormoqda. Masalan, 2010 yilda Leo ismiga ega bo'lganlar 136 nafar bo'lsa, 2017 yilda ularning soni 433taga etgan.

Mark ismi esa mintaqadagi eng ommabop ism hisoblanadi. 2019 yilda 622 nafar bolaga shunday ism qo'yilgan.

Kataloniyada qizlarga eng ko'p qo'yiladigan ismlar — Yuliya va Martina.