De Xea klub rekordini o'rnatdi, lekin yil darvozaboni sovrinini boshqasi "ilib" ketdi

Opta portalining tarqatgan ma'lumotiga qaraganda, Angliyaning "Manchester Yunayted" klubi darvozaboni David De Xea klub rekordini qayd etdi. Gap shundaki, ispaniyalik darvozabon 38-tur doirasida "Lester" (2:0) klubiga qarshi bo'lib o'tgan uchrashuvdan so'ng, o'zining klubdagi 113-"quruq o'yinini" o'tkazishga erishdi. De Xea shu tariqa "MYu"ning afsonaviy darvozaboni Peter Shmeyxelni ortda qoldirdi.

O'z navbatida, "Manchester Siti" klubining braziliyalik darvozaboni Ederson "APL oltin qo'lqopini" qo'lga kiritdi. "Shaharliklar" darvozaboni joriy mavsum 35 ta uchrashuvning 16 tasida "quruq o'yin" namoyish etdi.