APL. «Chelsi» EChL yo'llanmasiga ega bo'ldi, «Vulverxempton» Evropa ligasidan quruq oldi

Angliya chempionatining so'nggi turida «Chelsi» o'z uyida «Vulverxempton»ni qabul qilib, ishonchli g'alabani qo'lga kiritdi.

Uchrashuvdagi gollar birinchi bo'limga qo'shib berilgan daqiqalarda urildi. Dastlab Meyson Maunt hisobni ochgan bo'lsa, oradan 3 daqiqa o'tib Olive Jiru hisobdagi farqni oshirdi.

Shu tariqa, "Chelsi" o'z ochkolarini 66taga etkazib, 4-o'rin bilan Evropa chempionlar ligasi yo'llanmasini qo'lga kiritdi. «Vulverxempton» esa 7-o'ringa tushib qoldi va Evropa ligasi yo'llanmasini «Tottenxem»ga topshirdi.

Angliya premer-ligasi, 38-tur
Chelsi – Vulverxempton 2:0 (2:0)
Gollar: 1:0 – 45+1 Maunt, 2:0 – 45+4 Jiru.
Chelsi – Kabalero, Djeyms, Zuma, Ryudiger, Alonso, Maunt (Pedro, 85), Jorjino (Barkli, 88), Pulishich (Xadson-Odoi, 78), Kovachich (Loftus-Chik, 85), Aspilikueta, Jiru (Abraxam, 78).
Vulverxempton – Ruy Patrisiu, Kastro (Ruben Vinagre, 58), Koudi, Boli, Doerti (Podense, 59), Dendonker, Saiss, Ruben Nevesh (Moutinyu, 59), Netu (Traore, 46), Ximenes, Diogu Jota (Brunu Jordau, 84).
Ogohlantirishlar: Diogu Jota (22), Jiru (45), Netu (45), Dendonker (83), Aspilikueta (90).