«Yuventus» Xedira bilan shartnomani muddatidan avval bekor qilmoqchi

«Yuventus» yaqin kunlarda yarim himoyachi Sami Xedira bilan shartnomani bekor qilish borasida muzokara boshlashi mumkin. Bu haqda Calciomercato.com xabar tarqatdi.

Turinliklar yillik maoshi 6 million evroga teng bo'lgan, ammo maydonga kam tushayotgan 33 yoshli futbolchi bilan xayrlashishmoqchi. Xediraning «Yuve» bilan shartnomasi 2021 yilning iyun oyida yakuniga etadi.

Germaniyalik futbolchi 2015 yilning yozida «Yuventus» safiga o'tgan. Joriy mavsumda u 18ta o'yinda maydonga tushib, bitta gol urdi. Xedira mavsumning qolgan qismini jarohat tufayli o'tkazib yuboryapti.