Zlatan va «Milan» maosh borasida kelisha olishmayapti

«Milan» bosh murabbiyi Stefano Pioli va texnik direktori Paolo Maldini jamoa bosh direktori Ivan Gazidisdan hujumchi Zlatan Ibrahimovich bilan shartnomani uzaytirishni so'ramoqda.

38 yoshli futbolchi ham faoliyatini "rossoneri"da davom ettirishga qarshi emas. Uning agenti Mino Rayola shvetsiyalik o'yinchi uchun soliqlarni chiqarib tashlagandan keyin 6 mln evro yillik maosh so'ramoqda, deya xabar tarqatdi jurnalist Nikolo Skira.

«Milan» rahbariyati esa, o'z navbatida, Ibrahimovichga 4 mln evro to'lashga tayyor.