«Breshiya» prezidenti: «Mario Balotelli bilan shartnoma imzolash xato qaror bo'ldi»

«Breshiya» prezidenti Massimo Chellino hujumchi Mario Balotelli bilan shartnoma imzolash xato qaror bo'lganini ta'kidlab o'tdi.

«Biz V seriyadan chiqqan paytimizdayoq ishtiyoq evaziga tashkil etilgan jamoa edik. O'sha ruhiyatni saqlab qolishimiz mumkin edi, ammo mavsum davomida uni yo'qotib qo'ydik. Men yulduz o'yinchi qidirib, jamoaga e'tiborni kamaytirib qo'ydim. Vaholanki, tarkibimizda Mario Balotelli bo'lmasa ham A seriyada jon saqlab qolishimiz mumkin edi.

Bu transferda men xato qildim. Bu borada Mario ikkalamizning aybimiz 50-50 bo'ldi. U bizga yordam beradi, deb o'ylagandim. Ammo men unga bekor ishonibman», — dedi «Breshiya» prezidenti "Football Italia"ga bergan intervyusida.

Balotelli Italiya chempionatining joriy mavsumida 19ta o'yinda maydonga tushib, 5ta gol urdi. «Breshiya» esa mavsum yakunlanishiga 2 tur qolganida V seriyaga tushib ketdi.