«Barselona» Blan nomzodidan voz kechdi

Loran Blan «Barselona»ni boshqarishi mumkin bo'lgan nomzod murabbiylar safidan chiqdi, deya xabar tarqatdi "AS".

Manbaga ko'ra, "ko'k-anorranglilar" sport direktori Erik Abidal vatandoshini jamoa boshqaruviga olib kelish g'oyasini ilgari surdi. Ammo rahbariyat tomonidan ushbu taklif qo'llab-quvvatlanmadi.

Kike Seten iste'foga chiqarilsa, bo'shaydigan o'rinni egallash uchun asosiy nomzod Xavi hisoblanadi. Ammo «Barselona» yaqin oylar ichida uni jamoaga qaytara olmaydi. Ispaniya matbuoti tarqatgan xabarga ko'ra, Seten "Barsa" boshqaruvida yana bir yil qolishi mumkin.