Lempard: «Kloppga aytgan so'zlarimdan afsusdaman»

«Chelsi» bosh murabbiyi Frenk Lempard o'z aybini tan oldi. 42 yoshli mutaxassis «Liverpul»ga qarshi o'yinda (3:5) Yurgen Kloppni so'kkan edi.

«Men videoni ko'rdim. Bunday so'zlarni aytganimdan afsusdaman. Bunday voqea hamisha matbuotning e'tiborini jalb qiladi. Mening ikki nafar yosh qizlarim ijtimoiy tarmoqlarda o'tiradi. Ammo men o'z jamoamni himoya qilib, hissiyotimni namoyish etganimdan afsuslanmayman.

Uchrashuv paytida zaxira o'rindig'ida ko'p narsa sodir bo'ldi. Mening Yurgen Kloppga nisbatan g'arazim yo'q. U fantastik murabbiy. U bilan birga «Liverpul»ning muvaffaqiyatlarini "yuvgan" bo'lardim. Menga Yurgenning so'zlari emas, «Liverpul» murabbiylari aytgan so'zlar yoqmadi. Bu o'yinda hissiyotlar junbushga keldi», — dedi Lempard.