Rivaldo: «Oltin to'p»ni topshirmaslik haqidagi qaror Levandovskining hafsalasini pir qilgan bo'lsa kerak»

Braziliyalik sobiq futbolchi Rivaldo "France Football" jurnalining 2020 yilda "Oltin to'p" g'olibini aniqlamaslik haqidagi qaroriga o'z munosabatini bildirdi.

«Hozir jahondagi holatni inobatga olganda, bu to'g'ri qaror bo'ldi. Evropa milliy chempionatlarida mavsum g'alati o'tdi — ba'zi ligalar muxlislarsiz o'tgan bo'lsa, ba'zilari, masalan, Frantsiya chempionati muddatidan avval yakunlandi.

Bu qarordan ba'zi futbolchilarning hafsalasi pir bo'lgan bo'lsa kerak. Masalan, Robert Levandovski — shubhasiz, ulardan biri. Polshalik futbolchi mavsumni ajoyib o'tkazdi. U «Bavariya» bilan Bundesligada sakkizinchi sovrinini qo'lga kiritgan bo'lsa, jamoani oldinda Chempionlar ligasi kutib turibdi. Shu bois, unda Messi va Ronaldu bilan sovrin uchun kurashish imkoniyati mavjud edi.

Messi va Ronaldu uchun esa «Oltin to'p»ning bekor qilinishi — yana bitta sovrinni yutish uchun qo'ldan chiqarilgan imkoniyat, ayniqsa, ularning faoliyati yakuniga etayotganini inobatga olganda», — dedi Rivaldo "Marca" nashriga bergan intervyusida.

Manba: sport24.ru