APL. «Liverpul» 128 yillik tarixida ilk bor bir mavsumda 31 ta o'yinda g'alaba qozondi

«Liverpul» Angliya Premer Ligasida o'zining tarixiy rekordini o'rnatdi.

Premer Liganing 37-tur uchrashuvida Yurgen Klopp shogirdlari «Chelsi»ni mag'lub etdi (5:3). Bu mersisayd klubi uchun ushbu mavsum APLdagi 31-g'alaba bo'ldi. Squawka xabariga ko'ra, «Liverpul» 128 yillik tarixida ilk marta bunday natijaga erishgan.

Shuningdek, «Liverpul» APLda o'z maydonidagi mag'lubiyatsiz seriyasini 59 ta o'yingacha uzaytirib oldi. Jamoa 2017 yildan beri o'z maydonida o'tkaziladigan uchrashuvlarda yutqazmayapti. Bu Angliya futbolining kuchli to'rtlik divizionlari tarixidagi uchinchi eng yaxshi seriya hisoblanadi.

Eslatib o'tamiz, «Liverpul» 31-turdan so'ng chempionlik masalasini hal qilgan.

Manba: daryo.uz