"Milan" Gyottse bilan shartnoma imzolashi mumkin

"Milan" Dortmundning "Borussiya" klubi sobiq hujumchisi Mario Gyottseni o'z safiga qo'shib olmoqchi. Bu haqda Italiya matbuoti yozmoqda. 

Manbaning xabariga ko'ra, Gyottse yiliga 8 million evro maosh olmoqchi. "Milan" esa futbolchi uchun buncha maosh to'lashga tayyor emas.

Eslatib o'tamiz, hozirda Gyottse erkin agent maqomida. 2019/20 yilgi mavsum yakuniga ko'ra, "Borussiya" Mario bilan yangi shartnoma imzolashni xohlamadi.