RPL. "Zenit" chempion, Shomurodov jamoasi Evropa ligasida ishtirok etadi, "Spartak" evrokuboklarsiz qoldi

Rossiya chempionatida mavsum yakunlandi. So'nggi 30-tur o'yinlaridan so'ng qaysi jamoalar evrokuboklarda qatnashishi, kimlar chempionatni tark etishi aniq bo'ldi.

Chempiona "Zenit" va vitse-chempion "Lokomotiv" EChL guruh bosqichiga yo'llanma olgan bo'lsa, "Krasnodar" EChL guruh bosqichiga chiqish uchun saralashda qatnashadi.

TsSKA EChL uchun kurashda "Krasnodar"ga imkoniyatni boy berib, 4-o'rinda qoldi va Evropa Ligasini guruh bosqichidan boshlaydigan bo'ldi. "Rostov" ham Evropa Ligasida o'ynaydi, biroq saralash bosqichidan. Kubok finalidagi natija Shomurodov jamoasi ELni qaysi saralash bosqichidan boshlashiga oydinlik kiritadi.

Ma'lumot uchun, "Orenburg" va "Krilya Sovetov" jamoalari  Rossiya Premer-Ligasini tark etdi.

RPL. 30-tur 
Krasnodar – Axmat 4:0
Gollar: Berg (43, 62), Kabella (54), Vanderson (58).

TsSKA – Tambov 2:0
Gollar: Shennikov (26), Oblyakov (78).

Rostov – Zenit 1:2
Gollar: Zayniddinov (18) – Rigoni (72), Azmun (75).

Rubin – Spartak 1:2
Gollar: Ignatev (44, penalti) – Bakaev (40, penalti), Larsson (71, penalti).

Ural – Lokomotiv 0:1
Gol: Miranchuk (45).

Dinamo – Orenburg 0:1
Gol: Fameye (29).

Ufa – Arsenal 0:0

Krilya Sovetov – Sochi 3:0

("Sochi" futbolchilariga koronavirus aniqlangani sabab jamoaga texnik mahlubiyat yozildi).