«Milan» «Sevilya» himoyachisining huquqini sotib oldi

«Milan» klubi huquqiy jihatdan «Sevilya»ga tegishli bo'lgan himoyachi Simon Kerning transferini sotib oldi.

31 yoshli daniyalik futbolchi bilan 2022 yilning yoziga qadar shartnoma imzolandi, deya xabar tarqatdi "rossoneri" rasmiy sayti. Ma'lumotlarga qaraganda, futbolchining transferi 3,5 mln evroga teng bo'lgan.

«Milan» yanvar oyida Kerni «Sevilya»dan ijara olgan edi. Himoyachi milanliklar safida 13ta o'yinda maydonga tushdi. Simon joriy mavsumning dastlabki yarmini «Atalanta»da ijarada o'tkazgan edi.