Braziliyalik himoyachi Tyago Silva Portugaliya Kubogi chorak finali doirasida "Portu"ning o'z maydonida Lissabonning "Benfika" jamoasiga qarshi kechgan uchrashuvida ishtirok etdi. Unda mezbonlar Joze Mourino shogirdlarini minimal hisobda mag'lub etishdi - 1:0.

SporF xabariga ko'ra, braziliyalik futbolchi 41 yosh-u 3 oyligida maydonga tushdi. Tyago bu orqali "Portu" safida maydonga tushgan eng keksa futbolchiga aylandi.

Silva yanvar oyida erkin agent sifatida Portugaliya top-klubi safiga qo'shilgandi. Braziliyalik tajribali futbolchi "ajdarlar" bilan 2026 yilning iyun oyi oxirigacha mo'ljallangan qisqa muddatli mehnat shartnomasini imzoladi.