Sane «Bavariya» safidagi ilk mashg'ulotda ishtirok etdi (foto)

«Bavariya» klubining yangi a'zosi Leroy Sane jamoa safida dastlabki mashg'ulotda ishtirok etdi. Bu haqda klub rasmiy sayti xabar tarqatdi.

«Maydonga qaytish juda yaxshi ish bo'ldi. «Bavariya» safida dastlabki mashg'ulotimni o'tkazganimdan xursandman», — dedi germaniyalik futbolchi.

«Bavariya» 3 iyul kuni Sanening transferini e'lon qilgan edi. 24 yoshli futbolchi myunxenliklar bilan 5 yillik shartnoma imzolagan. Transfermarkt tarqatgan xabarga ko'ra, «Bavariya» «Manchester Siti»ga 49 mln evro to'lagan.