Prevyu. "Paxtakor" - "Mash'al"

Superliga 8-turida "Paxtakor" Muborakning "Mash'al" jamoasini qabul qiladi.

O'yinda jamoalar safida diskvalifikatsiyaga uchragan futbolchilar mavjud emas. Har ikki klub asosiy tarkib o'yinchilaridan foydalanish imkoniyatiga ega.

Jamoalar chempionat bahslarida 34 bahsda to'qnash kelishgan. Ularning 23tasida "Paxtakor", 5tasida "Mash'al" yutuqqa erishgan. 6 o'yin durang bilan yakunlangan. "Sherlar" raqib darvozasini 65 bor ishg'ol qilgan bo'lsalar, muborakliklar 24 gol urishgan.

Toshkentda kechgan 17 bellashuvning 15tasida "Paxtakor" muvaffaqiyat qozongan. Bittadan o'yinda durang va raqib g'alabasi kuzatilgan. O'z maydonidagi o'yinlarda jamoamiz 9 marta "Mash'al" ustidan yirik yutuqqa erishgan. Oxirgi marta Muborak klubi Toshkentda 2007 yil ochkoni qo'lga kiritgan. O'shanda bahs 3:3 hisobida yakunlangan. Toshkentdagi so'nggi 9 to'qnashuvda "Paxtakor" ketma-ket zafar quchgan. O'zaro o'yinlarda 5tadan to'p kiritgan Aleksandr Geynrix, Shahboz Erkinov, Server Jeparov va Anvar Soliev to'purarlar sanaladi.

"Paxtakor" va "Mash'al" jamoalari o'rtasidagi o'yin 7 iyul, seshanba kuni soat 19:00da "Paxtakor" stadionida boshlanadi.