Simone Indzagi «Milan»ga qarshi o'yindagi mag'lubiyatga izoh berdi

«Latsio» bosh murabbiyi Simone Indzagi Italiya chempionatining 30-turi doirasida bo'lib o'tgan «Milan»ga qarshi o'yin (0:3) borasida o'z fikrini bildirib o'tdi.

«Ushbu mag'lubiyat musobaqa jadvalidagi vaziyatni og'irlashtirib yubordi. "Milan"ga qarshi o'yinda qiyinchilikka duch kelishimizni bilardik. Boz ustiga, omadimiz ham kelmadi. Raqib rikoshetdan va penaltidan gol urdi. Strakosha penaltini qaytarishiga bir baxya qolgandi.

Bizda o'yinni kerakli oqimga burish uchun 2ta imkoniyat bo'ldi, ammo keyin uchinchi golni o'tkazib yubordik. Hozir tarkibda rotatsiyani amalga oshira olmayman, ikki haftada 4ta o'yin o'tkazish esa qiyin.

Keyingi o'yinga tayyorlanamiz. Taslim bo'lmoqchi emasmiz. Tarkibga biroz o'zgartirish kiritamiz. Chunki yigitlar charchab qolishdi», — dedi Indzagi.