Koronavirus! Eng xavfli sport turi ma'lum bo'ldi

Italiyalik mutaxassislar koronavirus pandemiyasi paytida qaysi sport eng xavfli ekanligini aniqlashga harakat qilishdi. Italiya Olimpiya qo'mitasi tadqiqot o'tkazish uchun Turin politexnika universitetiga so'rov yubordi, deb yozadi rbc.ua.

Ma'lum bo'lishicha, voleybol o'yini davomida COVID-19 infektsiyasi yuqtirish ehtimoli yuqori bo'ladi. Ikkinchi o'rinni regbi egalladi. Uchinchi qatorni basketbol to'ldirdi.

Shu bilan birga, badiiy gimnastika mashg'ulotlari, shuningdek, tennis o'ynash eng xavfsiz deb topildi.

So'nggi ma'lumotlarga ko'ra, dunyoda 11 milliondan ortiq odam koronavirus bilan kasallangan, 525 mingdan ortiq odam vafot etgan.