A seriya. «Atalanta» «Napoli»ni mag'lub etdi (videosharh)

Italiya chempionatining 29-turi doirasida «Atalanta» o'z uyida «Napoli»ni qabul qilib, ishonchli g'alabani qo'lga kiritdi.

Dastlabki bir soat davomida yaratilgan vaziyatlar bo'yicha ustunlik bergamoliklar tomonida bo'ldi. Mezbonlar tanaffusga qadar imkoniyatlardan foydalana olishmadi. Ikkinchi bo'lim boshida esa «Atalanta» ikkita vaziyatni golga aylantirib qo'ydi. Gol mualliflari — Pashalich va Gosens.

Shundan so'ng Gattuzo shogirdlari uyg'onishga harakat qilishdi. Ammo neapollik futbolchilarning zarbalariga biroz aniqlik etishmadi.

"Napoli"ning ushbu ochko yo'qotishi "Milan"ga qo'l kelishi mumkin. Bu jamoalar "Roma" bilan birgalikda Evropa ligasi yo'llanmasi uchun kurash olib borishmoqda.

Italiya A seriyasi, 29-tur
Atalanta – Napoli 2:0 (0:0, 2:0)
Gollar: 1:0 – 47 Pashalich, 2:0 – 55 Gosens.
Atalanta – Gollini, Gosens, Kaldara (Palomino, 72), Toloi (Shutalo, 89), Kastan, Gomes (Muriel, 88), de Ron, Froyler, Pashalich (Tamez, 89), Gimshiti (Xatebur, 81), Sapata.
Napoli – Ospina (Meret, 30), Mariu Ruy, Di Lorentso, Maksimovich, Kulibali, Zelinski, Demme (Lobotka, 73), Insine (Milik, 58), Fabian Ruis, Politano (Kalexon, 73), Mertens (Losano, 57).
Ogohlantirishlar: Mariu Ruy (67), Toloi (88).