Rimda “o'ldi“ga chiqqan Ronaldu yoxud "Yuventus" uchun mavsum tugadi(mi?)
/ Kiritdi: BestMaster Ko'rilgan: 289
Kecha “Olimpiko“ o'yingohida “Napoli“ jamosi o'z tarixida 6 marotaba Italiya kubogiga ega chiqdi. O'yinning kechishi va “Yuventus“ jamoasini penaltilar seriyasiga qadar “etaklagan“ Neapolliklar ustozi Gattuzo, qaysidir ma'noda yarim finaldagi sobiq jamoasi “Milan“ning alamini olgandek go'yo. Aksincha, Turinliklarga “Inter“ ro'baru kelgandachi? Konte shogirdlari finalda boshqachoroq futbol taklif etgan bo'larmidi? Ko'rdikki, Mauritso Sarri jamoasi uchun restart yoqimli bo'lmadi. 11 metr nuqtadan kutilmaganda noaniqlik, hatto, undan avvalgi ishtiyoqsiz o'yinlar ham bevosita Portugaliyalik fenomenning kayfiyatiga ehtimolki, ta'sir ko'rsatgan.
Kamiga, Rimda uni “o'zgacha“ kutib olganlar ham bo'ldi. Murabbiyning Yuventus xarakteriga qanchalar mos yoki mos emasligi tobora ayon bo'lib boryapti. Sanoqli kunlardan so'ng, “A Seriya“ qaytadi, ayni paytda turnir jadvalida “zebralar“ peshqadam. Italiyalik mutaxassis hech bo'lmaganda muxlislarda yaxshi taassurot qoldirish uchun ham g'olib bo'lishga harakat qiladi. Lekin, "Latsio", "Inter" kabi raqobatchilar soyadek ta'qib etmoqda, shuningdek chempionlik uchun qat'i da'vo qilmoqda.
Avgustda davom etishi aniq bo'lib ulgurgan EChLda ham biroz “tushunarsiz“ holat. Kutilmagan paytda “Lion“dan uchralgan mag'lubiyat. Vaziyat esa yana og'irlashdi. Murabbiy boshchiligidagi jamoaning o'zini o'zi, qiyin ahvolga solib qo'yayotgani, o'yinda jamoaviy ruh, har bir gol uchun tashnalik, har bir g'alaba uchun ishtiyoq etishmayotganligidan ham ko'rinib turubdi. Ayni paytdagi holati haqida nimadir aytish mushkul bo'lgan Frantsuz klubi to'sig'idan o'tilgan taqdirda ham, keyingi dovonda og'ir qiyinchilklar girdobiga tushib qolish hech gap emas. Shu boisdan ham, Andrea Anelli paydo bo'lgan ushbu jarohat yiriglamasdan turib, vaqtida malham topish ishlarini boshlagani ma'qul.
Shundagina, bir necha oydan buyon 7-raqamli futbolchining jamoani tark etishi borasidagi xabarlar faqat mish-mishligicha qolishi mumkin.
Ko'ramiz, kuzatamiz Turinda muammolar boshlanmoqda...
Dadajon FOZILJONOV tayyorladi