Biror marotaba qizil kartochka olmagan super yulduzlar!

Tartib-intizom futbolda katta yutuqlarga erishishda muhim omillardan biri hisoblanadi. Agressiv harakatlarsiz ham dunyoni o'ziga qarata olgan shunday futbolchilar borki, ular faoliyatlari mobaynida yuzlab o'yinlarda maydonga tushishgan. Lekin biron marotaba ham qizil kartochka olishmagan. Bugun shunday futbolchilar haqida so'z boradi. Raul Gansales (900 dan ortiq o'yin o'tkazgan) Qirollik klubining afsonaviy sardori deyarli 600 ga yaqin o'yinda maydonga tushib biror marotaba qizil kartochka olmagan ekan. Raul eng kamtarin super yulduzlar sirasiga kiradi. Uning eng sevgan mashg'uloti kitob o'qish bo'lgan futbolchini hatto «Barselona» muxlislari ham tik turgancha olqishlashganini eslasangiz kerak.Yaqin o'tmishning eng chiroyli texnika egasi bo'lgan Raulni bo'lajak futbolchilar uchun namuna deya olamiz. Garriy Liniker (600 dan ortiq o'yin o'tkazgan) Inglizlarga xos jentelmenlik Linikerning qonida bor. Bu futbolchi ham butun karierasi mobaynida ummuman maydondan haydalmagan ekan. «Tumanli albiyon»da o'yinlar kurashlarga boy bo'lishini hisobga olsak, ko'rsatkich havas qilgudek. Eng qizig'i Lineker «Barsa» tarkibida ham 3 mavsum to'p tepgan. Bu mavsumlarda esa hatto sariq kartochkaga ham loyiq ko'rilmagan ekan. Filip Lam (600 dan ortiq o'yinda ishtrok etgan) Bunisiga ishonish qiyin. Qanday qilib qanot himoyachisi shuncha o'yinda hech qachon maydondan chetlatilmagan bo'lsa? Ustiga-ustak zamonaviy futbolda, asosan, qanotlardan hujum qilish urf bo'lganini hisobga olsak, bu shunchaki fantastika!Lam uzoq yillik faoliyati mobaynida deyarli imidjini ham o'zgartirmagan ekan. Bu qahramonimiz qanot himoyachisi pozitsiyasida harakat qilib,jaahon chempeoni, YChL da g'olib bo'lganini inobatga olsak, ko'rsatgan natijasi tahsinga sazovor. Mishel Platini (550 tadan ortiqroq o'yinda ishtrok etgan) Moziy yulduzlari sirasiga kiruvchi sobiq futbolchi ham namunali inson edi. U maydonda ham, uning tashqarisida ham chinakam etakchilardek o'zini tutardi. Afsuski, futbol ortidan qozonilgan shuhratga keyinchalik UEFA dagi ba'zi dilxiraliklar xiyla soya solib qo'ydi. Lekin o'sha zamon futbolida butun faoliyati davomida qizil kartochka olmaslik qoyilmaqom natija. Ledliy King(300 ta o'yinda ishtirok etgan) Bunisi hammasidan oshib tushdi. «APL ning eng baquvvat himoyachisi» deya eslanadigan ulkan Ledliy King faoliyati davomida hech ham jamoadoshlarini qiyin ahvolda tashlab ketmagan ekan. APL dagi murosasiz o'yinlariga nazar solsak, «Taqachilar» sardori juda ham toza o'ynagani ma'lum bo'ladi. Uning o'yinlarini «Tottenham» muxlislari yaxshi xotiralar bilan eslashadi. Joa Mautinyo (400 tadan ortiq o'yinda ishtrok etgan) Portugaliyalik tayanch yarim himoyachi karierasi mobaynida ko'plab «katta» o'yinlarda ishtirok etganiga qaramasdan, aslo qizil kartochkani ko'rmagan ekan. O'zi uning zonasi aynan raqib hujumini to'xtatish uchun mo'ljallangan, lekin Moutiniyo buni zararsiz yo'lini topa olgan kam sonli tayanch yarim himoyachisi sanaladi. To'gri, u faoliyati mobaynida 87 bor sariq kartochkaga loyiq ko'rilgan, lekin, o'z vaqtida to'xtashni bilgani uchun biron marotaba jamoadoshlarini yolg'izlatib qo'ymagan ekan. Y.U.Y